Сĕнтĕрпуç шкулĕнче вĕрентекенĕсем, вĕренекенĕсем, ял çыннисем   ака уйăхĕн 24-мĕшĕнче Чăваш чĕлхе  кунне, Раççей Федерацийĕн Çемье çулталăкне, Чăваш Республикин  Экологи культурипе çут çанталăка перекетлес çулталăкне халалланă «Пĕтĕм   Чăваш диктанчĕ – 2024»   акцие  хаваспах хутшăнчĕç.  Çемен Элкер çырни тăрăх йĕркеленĕ «Чăваш вăрманĕ» текста кăмăлласа çырчĕç. Сăмахран каласан , çу уйăхĕн пĕрремĕшĕнче паллă çыравçăн 125 çулхи юбилейне уявлатпăр.

   Чăваш тумлă   пуçламăш класра вĕренекенсемпе вĕрентекенĕсем алла-аллăн тытăнса вăйă карти туса юрларĕç,   хаваслă  чăваш вăййисене выляса киленчĕç. Хаваслă вăйă-кулă чăваш халăхĕн ырă йăла-йĕркин тымарĕ татăлманнине кăтартрĕ.