Иван Яковлев чăвашсен илемлĕ литературине аталанма çул уçса парас тесе ырми-канми ĕçленĕ. Унăн ăса вĕрентекен пĕчĕк калавĕсене ватти-вĕтти те юратса вулать. Аслă Вĕрентекенĕмĕрĕн илемлӗ хайлавӗсене вуласан ачасем ашшӗ-амӑшне мӗн пӗчӗкрен хисеплеме, ватлӑха уяма, лайӑхрах пӑхма, тимлӗх уйӑрма вӗренеҫҫӗ. Хайлавсем ачасен кӑмӑл-туйӑмне, илемлӗхне аталантарма пулӑшаҫҫӗ..

Сĕнтĕрпуçĕнчи пӗтӗмӗшле пӗлӳ паракан тӗп шкулта 1-8 класра вӗренекенсем Яковлев калавӗсене вуларӗҫ. Вĕсем тăрăх  ӳкерчĕксем турĕç. Ачасене ытларах «Уçăлма тухнă шăши çури», «Автан», «Кашкăрпа сурăх путекки», «Кулачă», «Лаша шырани» , «Чакак», «Сармантей», «Тилĕпе тăрна» калавсем килĕшрĕç. Вĕренекенсем ăсчахăмăрăн калавĕсем пурте лайăха тата ырра çеç вĕрентнине палăртрĕç.