Чӑваш чӗлхи вӑл — манӑн чун та ӗмӗт,
Хӗвел те уйӑхӑм — тӑван чӗлхе.
Пуҫна чӗлхе вилессипе ан ҫӗмӗр,
Вӑл халӗ кирлӗ халӑха!
                                  Ухсай Яккӑвӗ

      Сĕнтĕрпуçĕнчи  пӗтӗмӗшле пӗлӳ паракан вӑтам шкулта чӑваш халӑхӗн Аслӑ Вӗрентекенӗ И.Я.Яковлев ҫуралнӑранпа 170 ҫул ҫитнине тата ҫулленех ун ячӗпе иртекен чӑваш чӗлхи эрнине пысӑк хастарлӑхпа уçрĕç. Ҫавна май ака уйӑхӗн 16-25-мӗш кунӗсенче шкулта кӑсӑклӑ мероприятисем сахал мар пулӗҫ. Кашни класрах вӗрентекенсем «И.Я.Яковлев - аслӑ вӗрентекен» темӑпа калаҫу ирттерчӗҫ. Чӑвашсен паллӑ ҫыннисем хушшинче И.Яковлев ячӗ чи паллисенчен пӗри. Тӑван халӑх валли ҫырулӑх хывса хӑварнисӗр пуҫне вӑл уҫнӑ Чӗмпӗрти чӑваш шкулӗ вӗрнтӳ, литературӑпа культура, искусство ҫыннисене хатӗрленипе те сӑваплӑ. И.Я.Яковлев пулас ӑрӑва тӑван чӗлхене упрама пиллесе каланӑ: «Халӑхӑн ӑс-тӑнӗпе унӑн пӗтӗм тӗнче курӑмне тӑван чӗлхе чун парать. Тӑван чӗлхесӗр чӑн-чӑн пӗлӳ ҫук». Унӑн «Халалӗ» вара пирӗн ӑрӑва хӑварнӑ ырӑ сунӑм пулса тӑрать.
      И.Я.Яковлев асаилĕвĕсем тăрăх литература вулавĕ иртрĕ. Вĕренекенсем  патриархăн ачалăхĕпе тата çамрăклăхĕпе паллашрĕç. Иван Яковлевăн тăрăшулăхĕ ,çирĕп кăмăлĕ çамрăк вулакансемшĕн ырă тĕслĕх пулса тăчĕ.Вăл ачаранах  тăван халăха,чĕлхене,культурăна   юратма, тытнă тĕллев патне çирĕппĕн утма хавхалантарса   тăрать.
     Чӑваш чӗлхипе литература эрнинче шкулта вӗренекенсем «Кăвак çут чаршавне уçнă  Улăп» викторинӑра, ««И.Я.Яковлев вӗренекенӗсем» ятлӑ мультимедильлӗ презентаци хатӗрлĕç. Ҫавӑн пекех шкулта «И.Я.Яковлев хайлавĕсем» ятлӑ  ӳкерчĕксен конкурсӗ те иртӗ.1-8 классенче вĕренекенĕсем  Аслă вĕрентекенĕмĕр калавĕсемпе сценкăсем лартĕç. Уяв вăйă картипе вĕçленĕ.
      Чӑваш чӗлхи эрни пирӗн чӗлхе мӗн тери янӑравлӑ та ҫепӗҫ пулнине кӑтартса парӗ.Асӑнса хӑварма та кӑмӑллӑ,  Сĕнтĕрпуç шкулӗн ачисем республикӑра нумаях пулмасть чӑваш чӗлхипе иртнӗ «Эпир – И.Я.Яковлев мăнукĕсем»,  «Пĕчĕкçĕ путене»  конкурссене те,олимпиадӑсене те  хутшăннă. Район шайĕнче иртнĕ «Туслăх хĕлхемĕ» конкурсра та çĕнтерӳçĕсен йышĕнче пулнă.