Паян, ака уйӑхӗн 28-мӗшӗнче,  Чӑваш чӗлхи эрнинче, 1-мӗшпе  4 класс ачисем хӑйсен ертӳҫипе Ларионова Ольга Леонидовнӑпа Сӗнтӗрпуҫ Культура ҫурчӗ ҫумӗнчи йӗрекленӗ  «Манӑҫми кӗтес»  музея ҫитсе курчӗҫ.  Ачасене  ӗлӗкхи тум-тирпе, савӑт-сапапа, ал-ӗҫ хатӗрӗсемпе, сӑн ӳкерчӗксемпе Соловьёва Галина Васильевнӑпа  Борисова Елена Ивановна паллаштарчӗҫ. Ачасем вӗсене тимлӗ итлерӗҫ. Музейри хӑш-пӗр япаласене хӑйсем вуланӑ калавсенче  те тӗл пулни  ҫинчен  аса илчӗҫ. Вӗренекенсем ҫӳпҫепе тата кӗнчелепе  паянхи кунта кил-ҫуртра   усӑ курни ҫинчен каласа пачӗҫ.