Ака уйăхĕн 30-мĕшĕнче  Сĕнтĕрпуç шкулĕнче вĕренекенсем  чаплă уява пухăнчĕç. Унта «Сĕнтĕрпуç пики -2013» конкурс иртрĕ. Егорова Юлия/ 9 класс/, Краснова Екатерина/8 класс/, Анисимова Надежда / 7 класс/, Васильева Жанна /6 класс/, Павлова Кристина /5 класс/ конкурса хутшăнма кăмăл турĕç. Пикесем хăйсемпе паллаштарчĕç, чăваш апат-çимĕçне  хатĕрлеме пĕлнине кăтартрĕç, тавçăруллăхне те палăртрĕç, кĕвентепе витресем йăтса акăш пек утса кăтартрĕç. «Сĕнтĕрпуç пики- 2013» ята 7 -мĕш класра вĕренекен Анисимова Надежда  тивĕçрĕ, «Сăпайлă пике» - Егорова Юлия, «Куракансем кăмăлланă пике» -  Краснова Екатерина, «Пултаруллă  пике» - Васильева Жанна, «Вашават пике» - Павлова Кристина.  Конкурс пурне те çав тери кăмăла кайрĕ.